OBROLAN PANAS DI WARUNG SAYUR
by : Mimi Aira
JAM setengah empat pagi Kong Jupri udah siap-siap berangkat ke pasar. Suara motor bebeknya yang berisik membuat mata gue merem melek. Gue langsung bangun saat itu juga. Tapi bukan untuk membantu segala sesuatunya yang dibutuhkan Kong Jupri, melainkan gue lagi nyariin bantal guling gue yang jatuh entah di mana.
"Mane die, sih?" Dengan mata yang masih sepet, gue celingukan sendiri. Gue cari di lantai kamar, bantal gulingnya nggak ada. Di kolong tempat tidur, enggak ada juga. Di atas lemari, apa lagi! Di dinding kamar, yang gue liat cuman ada cicak yang lagi ngoceh sendirian. Tapi, begitu gue memandang ke langit-langit kamar, mata gue mendelik lebar. Wuaaaa...ini kamar ato lobang goa?! Kenapa banyak banget kelelawar yang gelantungan, ye?
Gue kucek mata gue beberapa kali, jangan-jangan ini cuma halusinasi gue aja. Beberapa saat gue pejamkan mata dan berharap kelelawar-kelelawar itu lekas menghilang dari pandangan gue. Tapi ternyata, begitu gue buka mata lagi, gerombolan kelelawar itu masih tetap gelantungan di langit-langit kamar gue. Hiiiiyyyy...jangan-jangan, bentar lagi ada Wewe Gombel nongol, lagi.
Loncaaaat!
Mirip anak monyet yang pecicilan, gue langsung melompat gesit ke atas kasur. Gue tutup seluruh badan gue dengan selimut. Brrrr...badan gue mendadak meriang. Gue ketakutan sendiri. Setengah mati gue tahan rasa pengen pipis yang tiba-tiba datang.
"Ben..."
Sebuah suara! Suara itu seperti bergetar dan sedikit lemah. Dan...dan...suara itu manggil nama gue! Whuaaaa...Tuh kan...bener kan... Wewe Gombel-nya beneran dateng! Ya Alloh...gue harus ngapain ini?!
"Beni..."
Suara itu terdengar lagi. Gue rapetin selimut gue. Gue umpetin muka gue di bawah bantal. Belum ngerasa nyaman, gue balik badan gue dengan posisi ngejumprit. Belum ngerasa nyaman juga, gue jongkok di sudut kamar sambil menggigil ketakutan. Beuh! Ini sih bukan takut sama mahkluk halus, tapi korban KDRT!
"Beni...buka jendelanya, Ben..."
Hiiiyyyy...suara itu masih ada! Ya Alloh, tulungin Beni, Ya Alloh! jerit gue dalam hati.
Dalam kondisi ketakutan yang amat sangat, gue baca ayat-ayat suci al-quran. Mudah-mudahan setannya cepet minggat dari kamar gue.
"Ben, kok lu jam segini udah ngaji? Ben..."
Gue buka selimut sedikit. Eh, suara itu kok mirip...
"Ben...buka jendelanye dong, Ben..."
Entah kenapa, sekarang gue udah bisa tenang sedikit. Nggak sekalut kayak tadi.
"Di situ siape, ye? Kalo orang, tunjukkin moncongnye! Kalo setan, tunjukkin belangnye!" teriak gue sambil siap-siap narik selimut lagi. Mana tahu yang punya suara itu setan beneran...
"Beniiiii, ini guling lu, Ben! Ambil deh, nih!"
Aha! Nggak salah lagi. Ternyata firasat gue bener. Itu, kan suaranya Kong Jupri...
"Kong...?! Di situ Kong Jupri bukan?" Gue masih belum yakin.
"Iye, eni Engkong. Udeh, cepetan dah lu bangun. Buka jendelanye!"
Tanpa pikir panjang gue langsung bangkit dari atas kasur. Gue buka jendelanya. Tampaklah seraut wajah keriput tapi tampak beringas menatap gue. Seolah hendak menerkam gue, mata belo Kong Jupri melotot tanpa kedip.
"Eh, Engkong..." Gue cengengesan di depan mukanya Kong Jupri.
"Iye, eni Engkong! Kenape? Engkong udeh keliatan moncongnye ape belangnye?" sindir Kong Jupri.
Gue cengengesan lagi. "Maaf, Kong...Beni lagi ketakutan tadi. Gitu aja marah, sih. Lagian, Engkong kagak ngerasa punya moncong 'pan? Kagak ngerasa badanye belang 'pan? Iye, 'pan?" kata gue acuh tak acuh. Disusul kemudian gue menguap lebar seperti kuda nil.
Kong Jupri kayaknya pengen nabok gue. Tapi berhubung dia mau belanja sayuran ke pasar, dia tahan emosinya. "Neh, guling lu Engkong balikkin." Kong Jupri melempar guling ke muka gue.
"Kok, guling Beni bisa ada sama Engkong, sih?" Sekarang gantian, mata gue melotot ke wajah Kong Jupri. Gue menatap curiga ke arahnya.
"Tadi, Engkong emang sengaja ngambil guling lu. Guling Engkong lagi di londri. Engkong panggil-panggil, lu kagak denger. Ya udah, kebetulan pintu lu kagak dikunci. Terus...Engkong masuk, deh."
"Yang bener, Kong? Pintu rumah Beni kagak dikunci? Masa' sih?" Gue kaget sendiri.
"Abis sholat subuh tulung bersihin warung sayur Engkong, ye," kata Kong Jupri kemudian.
"Engkong, ah. Tiap ari juga 'pan Beni yang bersihin warung. Udeh, sekarang mendingan Engkong berangkat, deh. Bentar lagi subuh. Apa mau Beni anterin ke pasar, Kong?" Gue menawarkan diri untuk membantu Kong Jupri.
"Kagak perlu. Kalo soal ke pasar, sih Engkong lebih kuat dari lu. Badan sih lu boleh gagah. Tapi begitu kena udara malem, langsung kena pelu lu," ejek Kong Jupri.
"Flu, Kong, Flu...!" ralat gue cepet.
"Bodo mamad, ah! Protes aja lu kalo orang tua ngomong!"
"Bodo mamad?" Gue mikir sebentar. "Bodo amat 'kali, Kong." Gue protes lagi.
"Suka-suka Engkong, ah! Sam likum...!" Kong Jupri pun berlalu dari hadapan gue.
Jaaaah, neh aki-aki...salam aja pake disingkat-singkat begitu.
"Kum salam..."
Halah, kenapa gue jadi ikut-ikutan, ya?
Enggak lama kemudian, gue denger motor Kong Jupri meraung kenceng. Walow suara motornya super gaduh, tapi larinya nggak lebih cepet dari odong-odong. Suaranya mesinnya yang cempreng mirip banget sama suara pemiliknya. Bagi para tetangga yang tinggal berdekatan dengan rumahnya Kong Jupri, semuanya udah nggak kaget lagi. Semua udah terbiasa dengan suara ribut yang sering membuyarkan mimpi itu. Nggak pernah mereka protes sama Kong Jupri. Cuman, kalo ada yang udah terlanjur empet, mereka jadi mogok belanja sayuran di warung Kong Jupri.
Tapi, siapa sih orang yang tega memarahi Kong Jupri? Cuma orang yang nggak berperasaan aja yang berbuat begitu. Ya, seperti Bang Anwar, misalnya.
Kong Jupri itu sebetulnya orang tua yang patut dikasihani. Walow dia sendiri kadang suka ngambek jika ada yang terang-terangan nunjukin rasa kasihannya pada Kong Jupri. Dia nggak suka dibantu ini itu karena kondisi fisiknya yang sudah renta. Kong Jupri merasa dirinya masih mampu melakukan aktifitas yang biasa dikerjakan orang-orang bertenaga muda. Makanya, meski gue berkali-kali maksa ikut ke pasar, Kong Jupri selalu menolaknya.
Kong Jupri itu sebetulnya orang tua yang patut dikasihani. Walow dia sendiri kadang suka ngambek jika ada yang terang-terangan nunjukin rasa kasihannya pada Kong Jupri. Dia nggak suka dibantu ini itu karena kondisi fisiknya yang sudah renta. Kong Jupri merasa dirinya masih mampu melakukan aktifitas yang biasa dikerjakan orang-orang bertenaga muda. Makanya, meski gue berkali-kali maksa ikut ke pasar, Kong Jupri selalu menolaknya.
Kalo dibilang Kong Jupri itu laki-laki yang sudah renta, mungkin itu luarnya aja 'kali. Soalnya, dia itu masih mampu memenangkan adu panco sama gue. Masih kuat ngangkat tubuh gue kalo lagi males ngaji di rumahnya. Dari sekian banyaknya kekuatan fisik yang diperlihatkan Kong Jupri, gue paling kagum kalo dia itu lagi ngangkat karung berisi penuh beban dengan satu tangan. Gue sengaja nggak membantunya. Gue biarkan Kong Jupri mengangkat karungnya seorang diri. Karena gue tahu, isi karungnya cuman ada kangkung doang.
Baru aja gue ingin rebahan lagi, suara adzan subuh pun berkumandang. Perasaan kok cepet banget datangnya subuh, ya? Whooaaam! Gue menguap lebar sambil ngulet ke sana kemari. Dengan mata yang masih berat, gue lalu wudhu dan langsung sholat subuh.
Usai sholat subuh dan bersih-bersih warung, jam lima pagi Kong Jupri pulang. Di jok belakang, ada karung belanjaan yang diletakkan di sisi kanan dan kiri motornya. Semuanya terisi penuh oleh aneka jenis sayuran. Gue sambut Kong Jupri. Serta nggak lupa gue bantu menurunkan semua sayuran dari karung besar.
"Engkong subuh dulu ya, Ben. Tulung beresin, ye semuanye," kata Kong Jupri.
"Beres, Kong!" jawab gue tangkas.
Belum sempet gue selesai beres-beres, Mpok Mia muncul di warungnya Kong Jupri.
"Pesenan gue ada nggak, Ben?" tanya Mpok Mia.
"Pesenan apaan ya, Mpok?" sahut gue sambil nangkep ikan mas yang sempet loncat dari kolam di depan warung.
"Tahu putih dua biji," jelas Mpok Mia.
"Jaelaaah, Mpok, tahu putih sih kagak usah pesen. Lah, tiap ari 'pan di warung Kong Jupri ada tahu, Mpok. Kagak bakal keabisan! Eh...eh..." Ikan mas yang gue buru, loncat dan mendarat pas di tengah-tengah kaki Mpok Mia. Tanpa pikir panjang lagi, langsung gue tomplok tuh ikan mas.
Mpok Mia jelas aja kaget. Kepala gue dikeplak pake dompetnya. "Songong lu!" geramnya marah.
"Adoooh..." Gue usap kepala gue. "Mpok, dompetnya isinya apaan, seh? Sakit neh kepala Beni..." rintih gue kesakitan. Tanpa sadar, ikan mas yang gue pegang, langsung gue banting begitu aja di air kolam.
"Pengen tau isi dompet gue? Ini, isinye batu bata!" ketus suara Mpok Mia "Lagian sih lu, nangkep ikan mas aja kagak becus! Mana tahu pesenan gue?! Oh iye, bagi cabe rawitnya lima biji ye, Ben. Di rumah sih cabe gue masih ada. Tapi, Sambel gue masih kurang pedes rasanya kalo kagak ada cabe rawitnya." Tangan Mpok Mia pun beraksi nyomot cabe rawit.
Gue bengong. Katanya minta lima biji, lah tapi tangannya kok ngeraup begitu, ya? Kalo kurang pedes, tambahin aja semut item, Mpok. Dijamin deh, sensasi sambelnya pasti berasa banget di bibir. Rutuk gue dalam hati.
"Udeh beres semua, Ben?" Kong Jupri tahu-tahu muncul di dalam warung.
"Udeh, Kong."
"Lu ape lagi, Mia?" tanya Kong Jupri sama Mpok Mia.
"Udeh, Kong. Saya cuma beli tahu sama cabe rawit doang. Misi, Kong, ah. Saya lagi buru-buru, neh. Pengen masak."
"Eh, tapi lu udah bayar belum tuh tahu sama cabe rawitnye?" tahan Kong Jupri.
"Jaelaaah, Kong...saya lupa bawa duit. Tar siang saya anterin duitnya, dah," kelit Mpok Mia sambil nepok jidat.
"Nah lu! Tapi itu lu bawa dompet, ,pan?" kata Kong Jupri.
Gue bengong lagi. Mpok Mia ini ada-ada aja, deh. Bawa dompet kok kagak bawa duit? Males bayar ato emang lagaknya aja sok punya duit?
"Hehehe...Kong, kalo yang di dompet ini duit saya batangan semua. Emang Engkong sanggup ngasih kembaliannya pake batangan juga?"
"Udeh, udeh...pegi sono! Bilang aja lu pengen ngutang! Eh, Mia, warung Engkong ini 'pan modalnya kecil. Lah, kalo elu tiap ari ngutang melulu, bisa bangkrut warung Engkong," protes Kong Jupri.
"Iya. Iya, Kong. Saya ngerti, dah. Besok kalo ada duit, pasti langsung saya bayar. Ya, Kong, ya...catet aja ama yang kemaren. Misi, Kong, ya." Mpok Mia lalu bergegas pergi. Gue dan Kong Jupri kompak geleng-geleng kepala. Tapi, langkah Mpok Mia tiba-tiba berhenti saat berpapasan dengan Mpok Rana di depan pagar rumah Kong Jupri.
"Eh, Mpok Mia. Abis belanja sayur ya, Mpok?" tegur Mpok Rana ramah. Tangan kanannya menggandeng Loli, anak perempuannya yang masih kecil.
"Ho-oh," sahut Mpok Mia. "Mau ke mana lu, Ran?" Mpok Mia bertanya menyelidik. Mata Mpok Mia jelalatan ngeliatin Mpok Rana dari ujung rambut sampe ujung kaki. Lalu pandangan matanya beralih pada Loli, anak Mpok Rana.
"Ya belanja sayur juga, Mpok. Mari, Mpok..." pamit Mpok Rana.
Mpok Mia nggak ngejawab. Dia diam ngejubleg sambil terus natap Mpok Rana sinis.
Begitu ngeliat gue, senyum Mpok Rana terlempar manis. Seeeh...gue mendadak melayang ke awan! Walow sedikit salah tingkah, akhirnya gue bales juga senyum Mpok Rana. Ah, jadi ini senyum pemikat laki-laki dari janda beranak satu itu? Pantesan aja, banyak laki-laki jadi keblinger ngeliat senyum Mpok Rana. Senyum yang sekaligus juga yang membuatnya dimusuhi ibu-ibu di kampung gue, karena mereka cemburu sama Mpok Rana. Dan sebagai laki-laki normal yang sudah dewasa, gue sendiri mengakui, Mpok Rana itu emang cantik banget. Cantik luar dalem pastinya. Yang gue suka dari Mpok Rana, dia nggak sombong punya wajah cantik. Baik hati dan ramah. Tapi, yang gue nggak habis pikir, kenapa laki Mpok Rana sampe ninggalin dia dan malah selingkuh dengan perempuan jalang? Ah, Mpok Rana...si cantik yang malang...
"Kagak kuliah, Ben?" tegur Mpok Rana dengan suara merdunya.
"Beni kuliah siang, Mpok." Tubuh gue rasanya gemetar waktu berdekatan dengan Mpok Rana.
"Kalo gitu lu masih punya waktu luang, kan pagi ini? Soalnya, ada yang mau Mpok omongin ke elu. Mpok kagak ngeganggu elu kan, Ben?" tanya Mpok Rana hati-hati.
Sementara gue diajak ngomong sama Mpok Rana, mata gue juga terpukau sama mata indahnya Loli. Anak perempuan cilik Mpok Rana itu sangat menggemaskan buat gue. Sejak tadi dia mandangin gue terus tanpa kedip. Pengen banget saat itu gue cubit pipinya, tapi gue takut emaknya marah.
"Ben...kok bengong lu?" Mpok Rana nyentuh pundak gue halus. Tapi cukup bikin gue tersentak kaget saat itu. Gue kaget dengan sentuhan tangan Mpok Rana. Jantung gue deg-degan. Hati gue kebat-kebit.
"Eh, oh...emang mau ngomongin soal apa ya, Mpok?" tanya gue grogi.
"Entar deh Mpok kasih tau. Kagak enak kalo ngomongnya di sini. Abis belanja sayur, entar Mpok mampir ke rumah lu, deh.
Beniiiiiii...!"
Belum sempet gue nanggepin omongan Mpok Rana, Kong Jupri melolong panjang. Untuk kedua kalinya gue terkejut. Suara cempreng Kong Jupri membuyarkan semua lamunan gue. Kagak boleh liat orang seneng sih, Kong! Umpat gue dalam hati. Dan gue juga baru ngeh kalo ternyata hari sudah semakin siang. Gue juga baru nyadar kalo udah banyak ibu-ibu yang ngerubung di warung Kong Jupri. Mata mereka menatap sinis ke arah Mpok Rana. Tapi gue liat, Mpok Rana seakan nggak peduli dengan ulah ibu-ibu itu.
"Bentar ya, Mpok. Beni dipanggil Kong Jupri, tuh."
"Iya, Ben. Mpok juga mau belanja sayur dulu, nih." Mpok Rana ikut berdiri memilih-milih sayuran bersama ibu-ibu lainnya.
"Tulung lu layanin Si Nunu dulu tuh, Ben. Dia mau nganterin anaknya sekolah. Eh, elu, Rana. Pengen masak ape lu, Ran?" Kong Jupri sumringah waktu Mpok Rana muncul di depan warungnya.
"Iye, Kong. Ikan kembung berapa duit nih, Kong? Dipepes enak 'kali ya, Kong?" ujar Mpok Rana.
"Ya enak, Ran. Di sayur kuning juga enak," timpal Kong Jupri.
"Lah, Kong, yang duluan nyampe kan saya dulu. Kenape die dilayanin duluan? Pegimane sih, Kong, ah!" protes Mpok Hindun sewot.
"Iya neh Kong Jupri. Eh, Ran, neh ikan kembung gue mau beli. Elu ambil aja ikan nyang laen, tuh!" Mpok Midah ikut-ikutan.
Gue lirik ibu-ibu provokator itu. Gue lirik juga Mpok Rana yang cuma diem sambil tetap menggenggam tangan Loli.
"Lah, Mpok, kemaren Mpok bilang keluarganye kagak ada yang doyan makan ikan kembung. Udeh, buat Mpok Rana aja, Mpok," kata gue pada Mpok Midah.
"Jieeeeh, ngebelain janda lu, Ben. Ati-ati aja lu, Ben..." Mpok Midah mulai 'nyalain kompornya'. Bentar lagi pasti kompor mpok-mpok yang lain bakal nyamber, dan mpok-mpok itu pasti bakal nimpalin ocehan Mpok Midah. Pasti juga, obrolan mereka akan makin "panas".
"Ati-ati kenape, Mpok? Emang Mpok Rana tukang jagal musti ati-ati?" Gue sedikit kesel denger omongan Mpok Midah.
"Ben, udeh. Kagak ape-ape. Mpok masak sayur asem aja sama ikan asin, deh." Mpok Rana mengalah.
"Kong, sayur asemnya saya borong semua, ye. Soalnye saya mau makan bareng sama penghuni kontrakan saya," pinta Mpok Yuyun.
"Saya juga, Kong. Ikan asinnya biar saya borong semua. Pok Yuyun, sayur asem 'pan cocoknye ama ikan asin, ye? Abis masak saya ikutan makan di kontrakan Mpok Yuyun, ye? Biar rame!" Mpok Mia kagak mau kalah. Padahal tuh orang udah nyampe sejak subuh, tapi kok kagak ada niat mau pulang cepet-cepet, ya? Aneh banget nih orang...
"Eh, Perempuan-perempuan tukang gosip, kalo belon ngerasa panas lu pade, mendingan lu maen di tempat bakaran sampah gue, noh! Bara-nye juga masih marong. Kagak cuma panas doang, badan lu semue pasti jadi garing, kayak Krupuk! Tau lu!" omel Kong Jupri.
Kontan aja, ibu-ibu itu mingkem semua. Dengan muka tertunduk, mereka saling sikut-sikutan.
Gue ngikik sendiri dan sempat ngelirik Mpok Rana yang di saat bersamaan juga sedang menatap gue. Tapi kemudian Mpok Rana buru-buru membuang pandangannya dari muka gue. Mungkin aja dia ngerasa malu saat gue menatapnya. Gue sendiri, salah bungkus oncom yang diminta Mpok Nunu. Yang gue bungkus bukan oncom, tapi tangannya Kong Jupri yang lagi nangkring di atas oncom. Duh, kenapa gue jadi grogi gini, ya?
"Et dah! Tangan gue ini, Ben. Maen bungkus aja!" semprot Kong Jupri.
Mpok Rana ketawa cekikikan. Sedangkan gue makin kemalu-maluan.
"Mpok Nunu ape lagi, neh?" tanya gue setelah berhasil menguasai diri.
"Cabe jablai, Ben...dua rebu. Toge-nye lima ratos!" sebut Mpok Nunu cepat. Dan gue langsung membungkus cabe rawit merah yang super pedes, yang kata orang di kampung gue nama bekennya cabe jablai. Terus, gue bungkus juga toge pesenan Mpok Nunu.
"Ape lagi, Mpok?"
"Udeh, itu aja. Berapa tuh, Ben?"
"Dua rebu ma ratus, Mpok."
"Neh duitnye." Mpok Nunu nyodorin duit lima puluh ribuan.
"Uang pas aja, Mpok. Kembaliannya belum ada," tegur gue.
"Jangan dikasih kembalian, Ben," Kong Jupri nyerobot.
"Eh, enak aja, Engkong! Kenapa kagak dikembaliin duit Nunu, Kong?" seru Mpok Nunu kaget.
"Eh, Nu, lu lupa, ye? Nah, lu kan punya utang lima puluh tiga rebu ama gue. Kalo gue ambil duit kembaliannya juga masih kurang, Nu. Masih kurang berape, tuh?" Kong Jupri mikir sebentar sambil ngelayanin Mpok Midah.
"Kong, jangan sekarang bayarnya. Itu duit Nunu tinggal selembar-lembarnya, Kong. Minggu depan aja ya, Kong, ya?" Mpok Nunu ngerajuk.
"Emang lu udah berapa lama kagak bayar utang ama Kong Jupri, Nu?" Mpok Mia pengen tahu.
Mpok Nunu nggak ngejawab. "Kong, minggu depan Nunu bayar, Kong. Kagak percayaan amat sih ama Nunu, Kong..." Mpok Nunu pasang muka sedih.
"Kagak! Minggu kemaren juga elu ngomongnye begitu. Minggu depan! Minggu depan! Berarti utang lu masih sisa berapa lagi tuh, Nu?"
"Auk, ah! Itung aja ndiri!" jawab Mpok Nunu sewot.
"Yeee...sewot aja sih lu..." tanggap Kong Jupri.
"Mm, Kong...maaf, Beni kagak bisa lama bantu-bantunye. Soalnye, ada tugas kuliah yang belum kelar, Kong," kata gue pada Kong Jupri.
"Ya udeh. Lu tinggal, deh," kata Kong Jupri. "Eh, Ben, katanya lu mo masak sayur lodeh? Kelapanya tinggal separuh, neh. Lu mau disisain kagak?"
"Ya udeh. Separuh juga cukup kok, Kong." sahut gue.
"Makanya, Ben, cepet dah lu kawin. Biar ada yang masakin. Iya nggak, Mpok Mia?" Mpok Midah nyikut Mpok Mia.
"Ho-oh, Ben. Asal jangan kawin ama janda punya anak aja lu. Boros ngempanin-nye!" cetus Mpok Mia kenceng. Disusul kemudian tawa riuh dari rekan-rekannya.
Gue noleh ke Mpok Rana. Walow terlihat acuh tak acuh, tapi gue yakin, Mpok Rana pasti tersinggung juga diceletukin begitu. Duh, kasihan juga ngeliat orang yang dipermalukan langsung di depan mata kita sendiri. Neh, ibu-ibu kagak punya perasaan kali, ya. Nah, ngomongnya asal ngejeblak begitu...
"Pok, Rana, katanya tadi mau mampir ke rumah Beni?!" Gue sengaja ngomong kenceng ke Mpok Rana. Pengen tau aja reaksi mulut-mulut nyinyir mereka.
"Di rumah Beni adem, Mpok. Kalo di sini ngebringsang! Puanaasss! Banyak api nyang nyembur-nyembur kagak jelas!" kata gue lagi.
"Di rumah Beni adem, Mpok. Kalo di sini ngebringsang! Puanaasss! Banyak api nyang nyembur-nyembur kagak jelas!" kata gue lagi.
Ibu-ibu itu bisik-bisik sebentar mendengar omongan gue. Biarin aja. Sekali-sekali perlu disindir juga biar mereka cepet sadar.
"Si Beni ngomong apa, sih? Nyindir kita kali die, ye?"Mpok Nunu ngelirik gue.
"Kayaknya, sih begitu," timpal Mpok Midah.
Nggak lama kemudian, Mpok Rana dan Loli nyusul gue ke rumah sambil menenteng kresek berisi sayuran.
"Beniiiiiiiii...!" Mpok Hindun neriakin gue dari warung Kong Jupri. "Banyak-banyak doa, deh lu. Biar kagak mempan dirayu!"
Gue cuma geleng-geleng kepala mendengarnya.
"Kong, bilangin si Beni tuh...jangan deket-deket ama si Rana. Masa' perjaka dapetnya janda. Kasian kan, Kong." Mpok Midah merepet sambil diamini rekan-rekan seperjuangannya.
JEDEERRR!
Kong Jupri ngegedor pintu warungnya sendiri. Gue tahu, dia sengaja ngelakuin hal itu untuk membungkam mulut-mulut Mpok Midah cs. Gue sama Mpok Rana ngikik berdua. Gue denger, Mpok Nunu latah sambil nyebutin satu-satu warga kebun binatang. Mpok Midah loncat-loncatan di tempat. Sedangkan Mpok Mia ama Mpok Hindun ngurut dada sampe lemes sendiri saking kagetnya.
"Demen lu pade, ye ngomongin orang di warung gue, hah?! Bubar! Bubar!" suara Kong Jupri menggelegar. Ibu-ibu comel itu ngibrit ketakutan liat Kong Jupri marah.
"Woi, Nunuuuuu...bayar dulu utang lu!" Kong Jupri baru inget kalo Mpok Nunu belum bayar utang.
"Minggu depan, Koooong!"
"Heuh! Lama lama, bangkrut juga dah warung gue!" geram Kong Jupri.
BRAK!
Penutup kolam ikan, yang terbuat dari papan tipis, ditendang Kong Jupri hingga terbelah dua. Seluruh penghuni kolam kaget, semuanya berloncatan dan jatuh ke tanah . Kong Jupri kelabakan sendiri, sebap tiba-tiba aja datang seekor kucing belang tiga. Dia kewalahan berebut ikan-ikan mas dengan kucing belang yang beraksi bak singa kelaparan.
"Beniiiiiii...! Tulungin ngapa, Ben! Yah...abis dah ikan gue digarot! Yah...yah...?! Dasar kucing garooooong!" Kong Jupri ribut sendiri. Diambilnya gayung berisi air. Kemudian disiramnya tubuh kucing belang dengan geram. Kucing belang itu nggak merasa terusik. Kayaknya, kucing itu udah anti sama aer. Sama sekali dia nggak takut sama aer. Kong Jupri makin kesel. Tapi dia bingung mesti ngapain lagi. Begitu sadar dia lagi pegang gayung, langsung diketoknya kepala kucing pake gayung.
"Mweauwww!" jerit si kucing belang. Sebelum melarikan diri, mata kucing itu melotot marah menatap Kong Jupri.
"Jaaah...kenapa malah elu nyang ngotot? HAH!!!" gertak Kong Jupri sambil menghentak kakinya dengan keras. Kucing belang itu lari terbirit-birit.
Sementara itu, gue dan Mpok Rana sedang terlibat obrolan yang sangat serius banget di teras depan. Sama sekali gue nggak denger teriakan Kong Jupri yang ribut sama kucing. Posisi gue dan Mpok Rana saat itu sedang duduk di kursi dan saling berhadapan. Sedangkan Loli, dia sejak tadi asyik sendiri mainin ikan julung-julung gue yang ada di akuarium
"Jadi gimana dong, Ben?" tanya Mpok Rana serius.
"Ya, entar Beni usahain dah, Mpok. Kalo anak kecilnya cuman Loli aja, Insya Allah, Beni bisa. Sebenernya, bukan Beni kagak mau ngajar ngaji anak kecil, Mpok. Di sini, anak-anak remajanya kagak ada yang serius belajar ngaji. Makanya, Mpok, Beni sengaja ngajar khusus anak remaja, gratis! Biar mereka pada mau ngaji," jelas gue. Mpok Rana manggut-manggut.
"Lu emang baik banget, Ben. Gue salut sama ketulusan elu. Elu ngelakuin ini tanpa pamrih. Padahal Mpok tahu, lu pasti butuh biaya gede buat kuliah." Mpok Rana berkata pelan.
"Buat urusan keuangan, Beni juga sebenernya kekurangan. Tapi Beni ikhlas kok ngajarin anak-anak ngaji. Lagian, Beni 'pan masih punya dua rumah kontrakan. Ya, biar duitnya kagak seberapa, tapi cukup kok buat makan sehari-hari sama bayar kuliah. Ngeliat banyak anak-anak nyang ngaji di sini aja, Beni udah seneng banget, Mpok."
"Maaak...ikannya boleh Loli bawa pulang kagak?" seru Loli tiba-tiba.
Ya ampun! Gue kaget berat waktu ngeliat ikan julung-julung gue pada sempoyongan semua. Akuarium gue abis diubek-ubek Loli. Warna airnya mendadak butek. Alhasil, ikan julung-julung gue pusing tujuh keliling.
Loliiiiii, jangan nakal ngapa, Neng... Yah, mate dah ikan gue! Mateeee...! jerit gue dalam hati. Ikan julung-julung itu ikan unik kesayangan abang., Loliiiii! Loli tau nggak, sih? Pengen banget saat itu gue ngegelesor di lantai saking nggak terimanya. Tapi, masa iya sikap guru ngaji kayak gitu di depan calon muridnya? Bisa ilang wibawa gue di depan Mpok Rana dan Loli.
"Kagak boleh, Loli. Di rumah kita kagak ada akuarium."
"Maaaak...satuuuu aja, Mak." Loli terus maksa.
"Loli, ah... Tadi Emak bilang apa? Kagak boleh nakal 'pan?" tegur Mpok Rana.
"Kagak apa-apa, Mpok. Namanya juga anak kecil. Loli mau berapa ikannya? Abang punya toples di belakang, bisa dipake buat tempat ikan Loli nanti." Gue mencoba memaklumi, walow sebenernya hati ini nggak rela kalo ikan julung-julung kesayangan gue diambil orang.
"Iyes!" seru Loli girang. Matanya yang bening mengerjap indah. Gue sampe terpana melihatnya.
"Mpok Rana sendiri, alesannya ape, menta Beni nyang ngajarin Loli ngaji?" Begitu Loli tenang, gue mulai ngajak emaknya ngobrol lagi.
Mpok Rana diam sesaat. Gue liat, ada senyum kecil tersungging di bibir seksinya.
"Emang, sih...di sini ada ustad musholla nyang ngajarin ngaji anak kecil. Tapi, kagak tau ya, Ben, Mpok lebih sreg aja ama elu. Elu orangnya baik, Ben," tutur Mpok Rana sambil nunduk malu.
Gue, udah pasti salah tingkah. Pegang pot bunga salah. Pegang ujung taplak meja salah. Duduk tegak salah. Duduk miring juga salah. Tangan gue jadi cemamakan kayak orang keder, gitu.
Hhhh...Mpok Rana ini bener-bener, dah...bisa aja bikin hati gue berbunga-bungah. Apalagi ,waktu sesekali Mpok Rana nyuri pandang ke arah gue, rasanya gue bagai melayang-layang di atas awan. Cuma, nggak tau kenapa, tiba-tiba aja gue dan Mpok Rana mendengar suara aneh dan nggak jelas gitu. Gue dan Mpok Rana saling pandang keheranan. Suara apaan sih itu?
"Masya Alloooooh...!" Mpok Rana mendadak teriak kenceng. Tangannya nunjuk-nunjuk ke belakang gue. L-L-Loli..." suara Mpok Rana putus-putus. "L-Loli nyemplung!!!" katanya lagi.
Pas gue noleh ke belakang, Loli lagi kerepotan narik badannya sendiri. Kepalanya nyungsep di akuarium. Dengan gerak cepat, gue angkat badan kecil Loli. Seekor ikan julung-julung melayang jatuh dari mulut Loli.
"Loli kagak apa-apa, Lol?! Loli?!" Mpok Rana panik.
"Maaaak..." Loli megap-megap.
"Loli kagak apa-apa, Mpok. Mpok jangan panik. Tenang, Mpok, Loli kagak apa-apa!" Gue berusaha nenangin hati Mpok Rana.
Bunga-bunga indah yang sempet bermekaran di hati gue tadi, dan mungkin juga di hati Mpok Rana sendiri, lenyap begitu aja. Nggak tau ke mana perginya. Yang pasti, ngeliat Loli nyungsep di akuarium, udah bikin gue kaget nggak ketulungan.
"Maaaak...ikannya buat Loli semua ya, Mak? Akuariumnya juga buat Loli ya, Mak?" Loli ngoceh lagi.
"Loli, ah!" sergah Mpok Rana.
"Biarin aja, Mpok. Kalo emang Loli mao-nya begitu, turutin aja," kata gue setengah hati.
Oh, julung-julung gue...
"Biarin aja, Mpok. Kalo emang Loli mao-nya begitu, turutin aja," kata gue setengah hati.
Oh, julung-julung gue...
No comments:
Post a Comment